ابداع

ابداع



 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» للأسف ... الفراعنة ليسوا بناة الأهرام
الأربعاء سبتمبر 08, 2010 12:08 am من طرف عبدالرحمن

» لو حد عرف يجاوب على سؤال واحد من الاسئلة دى اعملوا اللى انتوا عاوزينوا فيا
الجمعة سبتمبر 03, 2010 7:03 am من طرف golden-girl

» مطلوب عريس من اعضاء المنتدي
الأربعاء سبتمبر 01, 2010 10:52 pm من طرف Tigress

» طرق الحصول على شعر جذاب
الأربعاء سبتمبر 01, 2010 9:54 pm من طرف golden-girl

» ممكن نتعرف؟؟؟
الأربعاء سبتمبر 01, 2010 8:02 pm من طرف Admin

» انتظر لا تقسو
الأربعاء سبتمبر 01, 2010 8:35 am من طرف golden-girl

» جدول الامتحانات !!!!
الأربعاء ديسمبر 23, 2009 3:09 pm من طرف Admin

» حروف امل دافئة
الإثنين نوفمبر 30, 2009 7:47 pm من طرف عابرة

» كتابة السيرة الذاتية cv
الأربعاء نوفمبر 18, 2009 5:15 pm من طرف Admin

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
التبادل الاعلاني
احداث منتدى مجاني
pubarab

شاطر | 
 

 امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
memo_zizo

avatar

عدد المساهمات : 190
تاريخ التسجيل : 05/02/2009
العمر : 28

مُساهمةموضوع: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 7:41 am

بسم الله الرحمن الرحيم
انا جايب لكم انشا الله النهاردة امتحان اللغه العربيه للثانويه العامه عام 2060,2025 السلام عليكم ورحمة الله وبركاته
ده كده بالصلا عالنبي امتحان مصر في اللغة العربية لعام 2060
تم التسريب والتسرسب إن شاء الله
========بيانات الإمتحان====
وزارة هنديك بالشبشب
أختبار اللغة العربية
انشاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسى
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
==================================================
السؤال الأول (20 علامة )
==================================================
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==================================================
الأسئله
==================================================
1
- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 علامات)
2
- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)
3
- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)
4
- استخرج من البيت الثالث صورتين فوريتين مبينا نوع الكاميرا (3 علامـات)
==================================================
مساحة خالية للإعلان- ت : واحد اتنين .. الجيش العربي فين
==================================================
السؤال الثاني ( 8 علامات )
==================================================
أعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))
==================================================
1
- تم نقل السوق المالي إلى سوق السمك ؟ (2 علامـة)
2
- إقبال الناس الى شراء نوكيا 9990 و عدم شراء نوكيا 9900 ؟
3
- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)
==================================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***
==================================================
السؤال الثالث –اختياري- (5 علامات)
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 علامــات)
==================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
==================================================
السؤال الرابع (8 علامات)
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================
1
-ماذا كان يريد ان يقول عمرو دياب للمزة ؟ (4 علامــات)
2
- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 علامـــة)
3
- ما اسم صبي الخياط بتاع ام الموديل اللي كانت مع عمرو في الكليب ؟ (2 علامـــة)
==================================================
السؤال الخامس (20 علامة)
==================================================
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 علامة)
==================================================

راندا كولا
المشروب الرسمي لهذا الامتحان
==================================================
*** أخي الممتحن أقلب الصفحة أحسنلك (( اصلك مش عارف اللي فيها )) ***
==================================================
السؤال السادس ( 19 علامة )
==================================================
اجب عن أربعة فقط من الأسئلة التالية
==================================================
1
- ما رأيك بتصرفات " رفيع " و " فرحة " في مسلسل الضوء الشارد ؟ (5 علامــات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2
- ما رأيك بموقف "حسام" من "سرية" في مسلسل الحقيقة و السراب ؟ (5 علامــات)
3
- من برأيك أقوى وأفضل بوكيمون - هل هو – بيكاتشو ؟؟؟ (5 علامــات)
4
– اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (4 علامـات)
==================================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
==================================================
سؤال المساعدة ( لرفع العلامة ) ( 20 علامــة)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================
انتهت الاسئلة و نلقاكم في امتحان الدور التاني انشاء الله
ربنا يعينكم علينا

--------------------------------------------------
--------------------------------------------------
ودة امتحان نصوص الله العربيه عام 2025

أجب عن 5 اسأله من الأربعه الأتيين

من قصيدة أواخــر الـشـتــا

للشاعرة/ إليسا أبو ماضى

كنا فى أواخر الشتا قبل اللى فات
زى اليومين دول عشنا مع بعض حكايات
أنا كنت لما أحب أتونس معاه
أنا كنت باخد بعضى واروح له من سكات
أجب عن الأسئلة التالية:
1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
2- فى أى فصل من فصول السنة كتبت هذه القصيدة؟ (مستدلا على ما تقول)
3- علام يدل التعبير (أنا كنت باخد بعضى وأروح له من سكات)؟
4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟
5- اختر الإجابة الصحيحة مما بين القوسين:
- الجمال فى قولها (عشنا - معاه): (تصريع - جناس - حسن التفات)
- (أروح له من سكات) المقصود ! بها: (دكاكينى - دحاليبى - ذرابيئى)
- مصدر كلمة (أتونس): (تَوَنًّس - تُونِس - تَنَاسَى)
- (زى اليومين) مجاز مرسل علاقته: (الكلية - المدرسة - الحضانة)

*****
والناس فى عز البرد يجرو ويستخبو
وأنا كنت باجرى وأخبى نفسى قوام فى قلبه
ولحد لما الليل يليل بابقى جنبه
وأفضل فى عز البرد وياه بالساعات
أجب عن الأسئلة التالية:
1- هات من الأبيات مضاد (النهار), وكلمة تؤدى معنى (معاه)
2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.
3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)
4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!
5- أيهما أفضل (ولحد) أم (ولغاية)؟ ولماذا؟

*****
على سهوة ليه الدنيا بعد ماعشمتنا
وعيشتنا شوية رجعت موتتنا
والدنيا من يوميها ياقلبى عودتنا
لما بتدى حاجات قوام تاخد حاجات
أجب عن الأسئلة التالية:
1- اختر الإجابة الصحيحة مما بين الأقواس:
- (على سهوة) تفيد: (السرعة - العجلة - الموتوسيكل 'البجاج الهندى أبو 7')
- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)
- كلمة تؤدى معنى (شوية): (بعضشى - حفان - قيمة مقطف)
- المقصود بـ (يوميها) فى الأبيات: (يوم العاركة - يوم الخناقة - يوم الكرامة)
2- اشرح الأبيات شرحًا مفصلا باختصار.
3- أيهما أفضل (ياقلبى) أم (يانضرى)؟ ولماذا؟
4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.
5- استخرج من الأبيات مايدل على:
- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

*****
وسط الشوارع ناس كتيرة مروحين
والناس ياقلبى هما هما وهو فين
وأنا ماشية باتلفت وباسأل كل يوم
بيعمل إيه دلوقتى وبيحلم بمين
أجب عن الأسئلة التالية:
1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح
2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.
3- فى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم
أفكار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين
آه يابا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار. نسيت كنت عايز أسأل فى إيه.
4- لماذا غضبت أفكار وتركت البيت؟ ولمَ كثر عتاب الابن لأبيه؟
5- بيعمل إيه دلوقتى وبيحلم بمين ((حُذف السؤال من قِبَل الرقابة))
=======================================================
انتهت الاسئله 5ع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 120
تاريخ التسجيل : 31/01/2009

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 12:32 pm

هههههههههههههههههههههههههه
عشرة على عشرة علي عشرة يا نجم
ايه الجمال دة دة انا فطست من الضحك
شكرا ليك lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cool3latool.ibda3.org
عبدالرحمن

avatar

عدد المساهمات : 273
تاريخ التسجيل : 03/02/2009
العمر : 29
الموقع : قلب محطم

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 12:49 pm

اية الاسئلة دي

دي برة المنهج

شكلنا هنشيل
ههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 120
تاريخ التسجيل : 31/01/2009

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 12:56 pm

انت غريب اوي عايز الامتحان من جوة المنهج لالا كدة كتير الوزارة هتعمل ايه ولا ايه
ههههههههههه lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cool3latool.ibda3.org
انغام النجوم

avatar

عدد المساهمات : 151
تاريخ التسجيل : 04/02/2009

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 1:29 pm

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟
توضيييييييييييييح ياشباب عشان تضمنو درجات روحو اشتكو اللي حط الامتحان وقولوله ابقي حط معلومات صح اصل الطلبة برضه فيهم اللي ناصحين(المقصود بقبل اللي فات مش ظرف زمان...لا...المقصود بيه قبل اللي حصل بينهم )
انا عايزة الشكاوي تنزل زي المطر علي وزارة هانديك بالشبب احسن منديهم احنا بالقبقاب
هههههههههههههههههههههههههه
لا بجد جاااااااااامد جدا جدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
memo_zizo

avatar

عدد المساهمات : 190
تاريخ التسجيل : 05/02/2009
العمر : 28

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 1:53 pm

Laughing يا جماعه الامتحان مش من برة المنهج والا مكنتش انغام النجوم وضعت الاجابه الصح للسوال النصوص
كله جاى من الكتاب الدراسى ودليل تقويم الطلاب
وعلى راى المثل (من ذاكر وسهر الليالى بات للعام التالى,ومن اسطغى ونام بدرى جائه النجاح من حيث لايدرى) Sleep cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 120
تاريخ التسجيل : 31/01/2009

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 1:55 pm

الله الله درر والله ايه الجمال دة
وانا بقى من موقعي بطالب باعادة تصحيح الورق واعادة توزيع درجة السؤال اللي جاوبته دينا
ههههههههههههههههه lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cool3latool.ibda3.org
انغام النجوم

avatar

عدد المساهمات : 151
تاريخ التسجيل : 04/02/2009

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   السبت فبراير 07, 2009 2:00 pm

اي خدعة ياشباب
من حقي بقي انجح ماليش دعوة Mad Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Tito.Ali

avatar

عدد المساهمات : 19
تاريخ التسجيل : 06/02/2009
العمر : 26
الموقع : I Can Do .._... Any Thing For You .._... Just For You

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   الأربعاء فبراير 18, 2009 4:22 am

امتحان جاااااااااااااااااااامد كيك كيك

بس انا عارف اجابه الاسئله دي كلها
تديني كام لو اديتلك نموزج اجابه كامل متكامل مستوفي كل الاستعباطات النحويه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fgr1.kalamfikalam.com/
Tigress

avatar

عدد المساهمات : 436
تاريخ التسجيل : 31/01/2009
العمر : 25
الموقع : Never back down

مُساهمةموضوع: رد: امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان   الأربعاء فبراير 18, 2009 3:01 pm

ههههههههههههههههه lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
امتحان اللغه العربيه للثانويه العاميه ههههههههههه ثانويه قال بص ف ورقتك شعار الامتحان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابداع :: منتدي الفرفشة-
انتقل الى: